గూడు చెదిరింది.. గుండె పగిలింది.

గూడు చెదిరింది..  గుండె పగిలింది.

      గూడు నిచ్చె గుడిసెలు కాలీ బూడిదైపోయినయి.నీడ కరువయ్యింది. కండ్ల ముందే కాలీపోయిన గూడును చూసి గుండెలు కూలీపోయినయి. పిల్లల పెండ్లి కోసం దాచిన డబ్బులు..అందరు కలిసి పోగేసుకున్న చిట్టీల మూటలు కాగితాల్లా కాలిపోయినయి. అంతేకాదు ప్రాణానికి ప్రాణంల పెంచుకున్న పిసిపాపలు.. కనిపెంచిన పెద్దవాళ్లు గుడిసెల్లో పడి అగ్నికి ఆహుతవుతుంటే బోరున విలపించడం మినహా ఎం చేయగలరు.. వంద గుడిసెలు ఒక్కసారిగా అంటుకోవడంతో ఏం చేయాలో తెలియక లబోదిబోమంటు ఏడుస్తున్నరు. మా బతుకులెట్లరా.. దేవుడా అంటూ ఏడుస్తున్నరు.

  చుట్టపు చూపుగా వచ్చిన మంత్రి సబిత ఇంద్రారెడ్డి ఆదుకుంటమని చెప్పి జారుకున్నరు. దీంతో ఎలా బతకాలో.. ఏం చేయాలో తెలియక విలవిల్లాడుతున్నరు ఈ పేద జనం. సర్కారు ఆదుకుంటుందన్న ఆశలేదని.. ఎవరైనా దాతలు స్పందించి ఆదుకోవాలని వేడుకుంటున్నరు రంగారెడ్డి జిల్లా మేడ్చెల్ మండలం గుండ్లపోచం పల్లిలో అగ్నిప్రమాదంలో గుడిసెలను కోల్పోయిన జనం.