గెలుపును గుప్పిట పట్టు
గెలుపును గుప్పిట పట్టు! మేఘాలు కమ్ముకొస్తున్నయని బెంగవద్దు అలలు ఎగసిపడుతున్నయని భయం వద్దు.. హోరుగాలులు వీస్తున్నయని జంకు వద్దు.. పిడుగులు దడేలుమనిపిస్తున్నయని వణకు వద్దు.. వాటి పని అవి చేస్తున్నప్పుడు.. తిరగబడే నీ గుణాన్ని తరిమికొట్టె నీ ధైర్యాన్ని నువ్వెందుకు విస్మరిస్తావ్.. నువ్వె కదా పోరాడాల్సింది.. నువ్వె కదా విజేతగా నిలవాల్సింది.. నువ్వె కదా విజయ బావుటా ఎగరవేయాల్సింది.. ఎందుకు నీ కళ్లలో అపనమ్మకం ? ఇంకేందుకు ఆ గుండేలో సంశయం ? వేళ్లు బిగిసుకుపోయి పిడికిలవుతుంటే.. పాదాలు కదనానికి కాలుదువ్వుతుంటే.. కర్తవ్యాన్ని మరిచి.. చేయాల్సిన క్రియలు విడిచి.. ఎందుకు భయపడతావ్.. ? గెలుపును ఒడిసిపట్టాలనే కదా.. నీ పోరాటం.. ఓటమి అంతు చూడలనే కదా నీ ఆరాటం.. ఓటమి ఎదురైందని కుంగిపోతే.. ఎదురుదెబ్బ తగిలిందని కృషించిపోతే.. అడ్డంకులు ఎదురవుతున్నయని ఆగిపోతే.. నువ్వు విజయాన్ని శోధించే విద్యార్థివి ఎలా అవుతావు.. ఓటమిపై దండెత్తే వీరుడవు ఎలా అవుతావు.. రానీ ఎన్ని ఓటములు వస్తాయో.. తాకనీ ఎన్ని ఎదురుదెబ్బలు తగులుతాయో.. ...