మారని కథ..అభిమానుల వ్యథ..!

మారని కథ..అభిమానుల వ్యథ..!

       ఆడిగెలవరా బాబు అంటే.. పక్కోడు ఓడితే ఆడతాం అంటూ కూర్చునే స్థితికి దిగజారింది టీంఇండియా. అజారుద్దీన్ వేసినా దారిపై గంగూలీ మాంచి రోడ్డెసిస్తే.. తేరగా వరల్డ్ కప్ తీసుకున్న ధోని..ఇప్పుడు గెలిపియ్యవయ్యా అంటే మాత్రం పక్క టీం ఢమాల్ కావాలని పూజలు చేస్తున్నాడు. ఏం లాభం మంత్రాలకు చింతకాయలు రాలుతాయా.. ఇదీ అంతే. జీవితం అన్నాక కాస్తా మంచి ఆలోచనలు పెద్ద,చిన్నవాళ్లను గౌరవించే సంస్కారం ఉండాలి. లేకపోతే వరల్డ్ కప్ తీసుకువచ్చిన సింగ్ నేతృత్వంలోనే టీంఇండియా అథ:పాతాలానికి చేరుకోవడం మాత్రం ఖాయం.  ఇప్పటికే చాలా మారాల్సిన ధోని మాత్రం ఇంకా తన మార్క్ పాలిటిక్స్ కొనసాగిస్తునే ఉన్నాడు. ఇంకా నీరో చక్రవర్తిలా నియంత రాజ్యంగా మార్చలనుకుంటున్నాడు. అందులో భాగంగానే తన దిక్కుమాలిన రాజకీయాలతో వీరేంద్ర సెహ్వాగ్ ను ఇంట్లో కూర్చోబెట్టాడు. అంతేనా పైనా కూల్ గా కనిపించే ధోని ఆ మధ్య యువరాజ్ గేమ్ తోను ఆడుకున్నాడు. పాపం యువీకి ఆరోగ్య సమస్యతో టీంకు దూరమయ్యాడు గానీ ఖచ్చితంగా ధోనీ.. యువీని కూడ తన పాలిట్రిక్స్ తో ఇంట్లో కూర్చోబెట్టేవాడే కావచ్చు. ధోని ఎల్లో ఆలోచనలకు మంచి ఆటగాళ్లు చాలా మంది బలైపోయారన్న సంగతి వరల్డ్ కప్ విన్ లో పడి కొట్టుకుపోవడంతో అందరు ధోనిని యోధునిగా.. వీరునిగా కొలుస్తున్నారు. కొలిచినా తప్పేం లేదు. అయితే వచ్చిన ఇబ్బంది అల్లా మల్లెపువ్వుల నుంచి మకరందం ఆశించే తేనే పురుగుల్లా.. టీంఇండియా నుంచి నిత్యం గెలుపు కోసం ఆశించే అభిమానుల నుంచే. ఎందుకంటే ఇండియా ఓడిపోతే అన్నం ముట్టని వీరాభిమానులున్నారు. ఇక పల్లెటూర్లలో అయితే ఏకంగా తిట్టుకొని..కొట్టుకుంటున్న సందర్భాలు ఉన్నాయి. అందుకే ఒక్కరిని నిందించ దలుచుకోలేదు. ఎందుకంటే ఎవ్వరిని ఏమన్నా నాగుపాముల్లాగా బుసలు కొట్టే అభిమానులు.. వాళ్ల ఆవేశమంత ఎదురుగా ఉన్నవాళ్ల మీద కక్కెస్తున్నారు. అందుకే ఆరు ఓటములు.. మూడు పనికి రానీ విజయాలతో ఇండియా పనికి రానీ జట్టుగా మారినా ఎవ్వరిని ఏమనవద్దు. ఇలాగే ఉండాలా అంటే ఇదే విజయానికి సూత్రమని బల్లగుద్ది వాదించేవారున్నారు. కాదని వారిస్తే అసలు మీకు క్రికెట్ తెలియదని ప్రకటించే ప్రముఖులున్నారు. ఏం చేస్తే యథా అభిమాని..తధా టీంఇండియా.